Policia ka arrestuar autorin i cili ditën e djehsme vrau me armë zjarri 67-vjeçarin Dodë Mamli në fshatin Vilëz në Kurbin. Gjatë një kontrolli të ushtruar në fshatin dhe në zonat përreth u lokalizua autori i dyshuar Dashnor Tota 53 vjeç.
Gjatë arrestimit policia i gjeti armën e zjarrit me të cilën dyshohet se ka vrarë 67-vjeçarin për motove pronësie.
Ndërkohë nën drejtimin e Prokurorisë vijojnë hetimet për dokumentimin e rrethanave dhe shkakut të vrasjes. Ndërsa materialet procedurale do t’i kalojnë Prokurorisë, për veprime të mëtejshme.
