Një shqiptar i cili punonte kuzhinier në një restorant është arrestuar nga karabinierët e kompanisë Merano, në Bolzano të Italisë.
Gjatë kontrollit në shtëpinë e tij u gjetën më shumë se gjysëm kilogrami kokainë. Gjithashtu oficerët i gjetën edhe një peshore, mjete të përdorura për paketimin dhe peshimin e drogës.
Sipas mediave italiane, u sekuestruan edhe 2650 euro cash që dyshohen se janë të ardhura nga trafiku i drogës.
Ndërsa shqiptari u mbyll në burgun e Bolzanos në dispozicion të organeve të drejtësisë për masë sigurie dhe hetime të mëtejshme.
