Sekretari i Përgjithshëm i Organizatës Botërore të Turizmit, Zurab Pololikashvili, gjatë fjalës së tij në Panairin e Turizmit ITB në Berlin, theksoi se Shqipëria është cilësuar si magnet për turizmin nga barometri i turizmit i OKB-së dhe se po kryeson ritmet e rritjes në këtë sektor.
Ai gjithashtu vlerësoi përpjekjet e Shqipërisë për turizëm të qëndrueshëm dhe angazhimin për mbrojtjen e mjedisit, duke e pozicionuar këtë vend si një destinacion turistik të rëndësishëm.
“Ishte më se e natyrshme që të bëhej pjesë e Këshillit të Turizmit të Qëndrueshëm. Shqipëria thekson angazhimin e saj për të mbrojtur mjedisin duke promovuar turizmin si një faktor kyç i zhvillimit të saj ekonomik”, tha ai.
