Kryetarja e Komisionit për Kulturën, Turizmin dhe Diasporën, Ina Zhupa, ka reaguar pas protestës së operatorëve të skafeve në Ksamil, duke kritikuar Bashkinë e Sarandës për mungesë planifikimi dhe papërgjegjshmëri në nisjen e sezonit turistik.
Zhupa kërkoi ndërhyrje të menjëhershme për vendbazimin e mjeteve lundruese dhe theksoi se turizmi duhet menaxhuar me seriozitet dhe përgjegjësi.
“Sezoni turistik ka nisur dhe operatorët e skafeve detyrohen të protestojnë për diçka që Bashkia e Sarandës duhej ta kishte zgjidhur me kohë. Është e pafalshme që dhjetëra familje që jetojnë nga turizmi të mbeten në pasiguri për shkak të mungesës së planifikimit dhe vendimmarrjes nga institucionet lokale. Turizmi nuk mbahet me propagandë dhe intervista televizive, por me përgjegjësi dhe menaxhim serioz,” tha Ina Zhupa.
