Presidenti Emmanuel Macron ka theksuar se Franca është një aleate besnike dhe e palëkundur në NATO.
“Franca ka treguar respekt dhe miqësi ndaj Shteteve të Bashkuara, ndaj jemi të prirur të presim të njëjtën gjë prej tyre”, deklaroi Macron.
Të enjten, Trump hodhi sërish dyshime mbi shanset që Shtetet e Bashkuara të mbrojnë aleatët e NATO-s nëse ata nuk paguajnë atë që ai e konsideron të mjaftueshme për mbrojtjen e tyre.
“Është e thjeshtë. Nëse ata nuk paguajnë, atëherë unë nuk do t’i mbroj. Jo, nuk do t’i mbroj”, tha Trump.
Ai theksoi se këto përpjekje nuk ishin të mjaftueshme, “ndaj dhe aleatët duhet të paguajnë më shumë”.
