Gjatë një aktiviteti për ditën e 8 Marsit, kryeministri Edi Rama e cilësoi absurde thirrjen e ish-kryeministrit Sali Berisha drejtuar nxënësve dhe studentëve për të protestë pas vendimit për mbylljen e Tik Tok.
“Prindërit u ftuan të mos çojnë fëmijët në shkollë. Kujtim Gjuzi u thotë të gjitha nënave, të mos çojnë fëmijët në shkollë. U ftuan fëmijët të mos shkojnë në shkollë e të protestojnë pse do të mbyllet TikTok. Kjo është një mënyrë që nuk ka nevojë për asnjë koment dhe argumentim, por që u thotë të gjitha nënave nëse janë socialiste apo demokrate, se nga çfarë duhet të ruhen më 11 maj dhe çfarë duhet të kenë parasysh.
Në 11 maj kush voton duhet të ketë parasysh që ka në dorë të mbështesë Shqipërinë për të mos humbur asnjë ditë nga negociatat me BE-në. Thirrja e djeshme, tregon sa rreziqe të tjera mund të presim nga një mendje e ikur për terital. Kam një thirrje për gratë demokrate: Burrat mbajini në shtëpi në 11 maj, jo fëmijët pa shkollë” tha ai.
Rama: Vajzat dhe gratë do i fus në listë të sigurtë në 11 Maj, burrat të mbledhin votat
