Kryeministri i Kosovës Albin Kurti priti sot në takim në Prishtinë Sekretarin e Përgjithshëm të NATO-s, Mark Rutte.
Kurti në platformën X, shprehet se takimi u përqendrua në bashkëpunimin e vazhdueshëm mes Kosovës dhe NATO-s, si dhe në angazhimin e përbashkët për sigurinë rajonale dhe evropiane.
“Theksova gjithashtu progresin e rëndësishëm demokratik të Kosovës. Megjithatë, si shumë vende evropiane, ne kemi qenë në shënjestër të ndërhyrjeve në zgjedhje, në rastin tonë, nga Serbia me ndihmën ruse, një mjet i përhapur që përbën një kërcënim kritik për demokracinë në epokën aktuale.”, shkruan Kurti.
