Në listën e Partisë Socialiste për qarkun e Tiranës pritet një emër surprizë. Bëhet fjalë për Ervin Mulajn, një biznesmen të suksesshëm në Londër, i cili vjen si përfaqësues i diasporës dhe një kandidat potencial në listën e kryeqytetit.
Ky zhvillim pritet të sjellë dinamika të reja në garën elektorale dhe të forcojë lidhjet mes Shqipërisë dhe diasporës.
Ervin Mulaj emigroi në Angli në vitin 2014 dhe, pas një dekade jashtë vendit, u shpreh se është i bindur që e ardhmja e familjes dhe kontributi i tij i vërtetë janë në Shqipëri.
Mulaj u bë pjesë e platformës “Deputeti që duam”, një nismë që synon të promovojë përfaqësim të denjë dhe angazhim aktiv qytetar në politikën shqiptare. Vendimin e fundit e ka në dorë Edi Rama.
