Presidenti amerikan, Donald Trump, ka shpallur se SHBA mund të aneksojë Groenlandën, disa ditë pas deklaratës së kryeministrit të ardhshëm të Groenlandës që tha: “Ne nuk duam të jemi amerikanë”.
Gjatë një takimi në Zyrën Ovale me Sekretarin e Përgjithshëm të NATO-s, Mark Rutte, Trump theksoi se është i shqetësuar për sigurinë ndërkombëtare dhe shprehu dyshime mbi pretendimin e Danimarkës për Groenlandën.
“Ju e dini Mark, ne kemi nevojë për sigurinë ndërkombëtare. Ne kemi shumë lojtarë tanë të preferuar që lundrojnë nëpër bregdet dhe duhet të jemi të kujdesshëm.”
Ai vuri në dukje se Danimarka është “shumë larg” nga Groenlanda dhe se SHBA tashmë ka një prani ushtarake në këtë territor. “Ndoshta do të shihni gjithnjë e më shumë ushtarë që shkojnë atje”, shtoi Trump.
