Kryeministri Edi Rama po zhvillon një takim me kandidatët për deputetë në qarkun e Elbasanit. rama shprehet se Altin Dumani ka respektin për punën që bën dhe për sulmet që po i bëjnë atij dhe prokurorëve të tjerë.
“Doli Altin Dumani që ka të gjithë respektin për punën që bën dhe sulmet kafshërore që ka marrë me një pjesë prokurorësh. Dumani ka qenë aty, prokuror se di se sa vjet ka, dhe virtytet nuk i erdhën nga reforma, i ka pasur. Pse nuk thirri Dumani ndonjë politikan ato vite që ishte prokuror. Pse nuk doli ndonjë gjykatës që thoshte hajde këtu Altin se do ta gjykoj unë. Jo hetuar, por as thirrur sepse nuk është çështja e Altinit, por e shpatës. Nuk kishte shpatë në dorë Altini, e kishte pushteti politik.”, u shpreh Rama.
