Kryetari i Partisë Demokratike Sali Berisha në bashkëbisedimin me qytetarët në rrjetet sociale cilësoi partitë e reja si paterica të Edi Ramës.
Berisha tha se sipas tij është e frikshme vendimi që në listat e mbyllura ata kanë futur edhe familjarët.
“Ishte i frikshëm vendimi i disa partive që quhen të reja gjoja, por që janë paterica të Edi Ramës, kur pashë që futën familjarët e tyre në listat e mbyllura. Nga dy dhe tre familjare në listat e mbyllura. Imagjinoni ju një qeveri të tyre, do ishte një qeveri me familjare. Do bënin atë që bën Eid Rama sot që ndan paratë me baxhanakun, ndan pronat me vëllain, ndan shuma me familjarët e vet. Këto janë origjina e tmerrshme e korrupsionit”, tha Berisha.
