Vitet e fundit rastet e personave të prekur me tuberkoloz në Shkodër kanë pësuar ritje.
Mjekia pneumologe Genta Smaja në ditën botërore të tuberkulozit thotë se janë rreth 15-20 raste të reja në vit, një shifër që cilësohet e lartë. Ajo u shpreh se shqetësues mbetet fakti që të prekur janë edhe moshat e reja.
“Ajo që nevojitet për të prekurit nga tuberkulozi në rastet kur paraqiten simptomat është që të diagnostikohen sa më shpejt në mënyrë që sëmundja të mos përparojë për të shkaktuar gjendje të rëndë shëndetësore.’Për tuberkulozin ka ende një stigëm se mund të sjell pasoja fatale tek personat e prekur por kjo nuk qëndron sepse sipas saj është një sëmundje e shërueshme’, tha pneumologia Smaja.
