Protesta janë mbajtur në Turqi që nga arrestimi i kryetarit opozitar të Stambollit Ekrem Imamoglu.
Ministri i Brendshëm turk Ali Yerlikaya në një postim në platformën X, shkruan se “1,418 të dyshuar janë arrestuar aktualisht gjatë protestave të paligjshme që nga 19 marsi”.
Imamoglu insiston se akuzat kundër tij janë të motivuara politikisht.
Partia kryesore opozitare në vend, ajo republikane CHP, e cila të dielën e shpalli Imamoglunë si kandidatin e saj presidencial, është shprehur se protestat do të mbyllen të martën, pa sqaruar ndërkohë se cilat do të jenë hapat e saj të mëtejshëm.
