Besmir Toja është 36-vjeçari shqiptar, i cili u arrestua dy ditë më parë nga policia italiane nën akuzën për vrasjen e rumuni pesë vite më parë.
Shqiptari i cili ishte shpallur në kërkim pas identifikimit nëpërmjet gjurmëve dhe pamjeve filmike, ishte arratisur nga Italia pas krimit për të mos rënë në pranga, por u rikthye në Fermo për shkak të problemeve shëndetësore dhe familjare.
Sipas mediave italiane, 36-vjeçari shqiptar ka qenë i dënuar më parë për trafik droge, ndërsa tani do të vuajë dënimin me burg edhe për vrasje.
Ngjarja e rëndë ka ndodhur për shkak të prishjes së pazareve të drogës dhe kontrollin e biznesit ilegal mes Fermos dhe Porto Sant’Elpidio. Më 17 shkurt 2020, zbulimi i trupit të pajetë të një 36-vjeçari rumun, i vrarë me thikë, ka alarmuar menjëherë policinë.
