Presidenti i SHBA, Donald Trump me anë të një postimi në Truth Social ka treaguar se është takuar të shtunën me homologun finlandez, Alexander Stubb.
Në takim ata diskutuan për forcimin e partneritetit dypalësh, duke përfshirë blerjen e akullthyesve për Shtetet e Bashkuara.
“Presidenti Stubb dhe unë presim me padurim të forcojmë partneritetin midis Shteteve të Bashkuara dhe Finlandës, dhe kjo përfshin blerjen dhe zhvillimin e një numri të madh të akullthyesve të nevojshëm për SHBA-në, duke ofruar paqe dhe siguri ndërkombëtare për vendet tona dhe botën”, tha Trump.
Ndërsa zyra e presidentit të Finlandës tha në një deklaratë se takimi Mar-a-Lago, Florida ishte joformal.
