Bardh Spahia ishte sot në gjykatën e Posaçme në procesin kundër tij për shkarkimin e drejtorit të ujësjellësit në kohën që ishte në krye të bashkisë Shkodër për gati një vit. Doli dhe sulmoi qeverinë.
“Kjo e sotmja ishte një formalitet i Gjykatës për ta dërguar çështjen time në gjykim. Sigurisht, unë nuk pranova gjykimin e shkurtuar, por kërkova gjykim normal, i bindur se kjo është një padi e përgatitur në zyrat e PS-së, jo vetëm në Shkodër, por edhe në Tiranë.
Këta përdorin një person të dënuar për vjedhje e korrupsion, ndaj të cilit kontrolli i lartë i shtetit ka bërë një lidhje dhe ka kërkuar shkarkimin e tij për abuzime. Sot, ky person përdoret për të ngritur padi ndaj meje” tha ai.
