Kreu i Partisë Demokratike Sali Berisha, zhvilloi sot një takim me bizneset tek ish-Uzina Dinamo në Tiranë.
Berisha gjatë bisedimeve me pronarë dhe punonjës të bizneseve të ndryshme u premtoi se me ardhjen në pushtet do të ulet trefish energjia. Ai theksoi se do të përgjysmohet edhe tarifa e ujit, si dhe bashkia nuk do të vendosë taksa më shumë se 1% të xhiros.
“Do të ulim nga 1500 në 120 tarifën e hapësirës publike, aq e keni pasur. Do të ulim energjinë me 3 fish, do jetë 6 lekë, do përgjysmoj tarifën e ujit. Bashkia nuk do mund të vendosë kurrë taksa më shumë se 1% të xhiros. Do bëjë të mundur që edhe të fitoni më shumë edhe ta zgjeroni biznesin. Gjobat do të falen. Gjobat e vendosura me arbitraritet nga këta plaçkitës do të falen.Ne e konsiderojmë të një rëndësie shumë të madhe, suksesin e biznesit të vogël. Suksesi juaj është mëkëmbje për ju, është punësim për shoqërinë dhe shtetin shqiptar”, tha Berisha.
