Rreth orës 07:30 të mëngjesit të sotëm, dy makina janë përplasur me njëra-tjetrën në fshatin Moravë të Beratit. Fillimisht Policia njoftoi se njëri nga shoferët ishte në gjendje të rëndë shëndetësore. 50 vjeçari ka ndërruar jetë në spital rreth 2 orë më vonë.
“Në vijim të informacionit paraprak të dhënë disa minuta më parë, mbi aksidentin në fshatin Moravë, njoftojmë se si pasojë e aksidentit, shtetasi E. I. humbi jetën, në spital. Ndërkaq, shtetasi F. P. është shoqëruar në ambientet e Policisë, për veprime të mëtejshme. Vijojnë hetimet për zbardhjen e rrethanave të aksidentit”, bëjnë me dije blutë.
