Nënkryetari i Partisë Demokratike dhe njëkohësisht drejtuesi politik i demokratëve në qarkun e Shkodrës, Luçiano Boçi ka reaguar pas deklaratës së Benet Becit i cili u shpreh se Partia Socialiste do të marrë 5 mandate në 11 maj.
Boçi tha se Beci si fillim duhet që të zgjidhë problemet që ka me drejtësinë dhe më pas të ushtrojë detyrën si kryebashkiak në Shkodër. Gjithashtu u shpreh se Aleanca për Shqipërinë Madhështore do të marrë 6 mandate në qarkun e Shkodrës.
“Beneti ka disa probleme të cilat ndoshta nuk do të jenë pjesë e kësaj bisede. Beneti e ka problemin me impostimin. U zgjodh të jetë kryebashkiak dhe jo drejtues politik. Ai duhet të zgjidhë cështjet me drejtësinë. Ka njerëz që iu kanë sekuestruar telefonin. Ka akuza për korrupsion. Këto janë ëndrra që Beneti i sheh”, tha Boçi.
