Dhjetëra mijëra mbështetës të Presidentit Aleksandër Vuçiç morën pjesë në një manifestim në Beograd, pas disa muajsh protestash antiqeveritare rreth vendit.
Në fjalimin e tij gjatë prezantimit të Lëvizjes për Popullin dhe Shtetin, Vuçiç tha se do të shpëtonte Serbinë nga forcat që po përpiqen të shkatërrojnë vendin. Ai u bëri thirrje prokurorëve që të rikthejnë rendin dhe paqen.
“Ne nuk do të lejojmë ata nga jashtë ose brenda të shtypin vendin tonë. Më lejoni t’ju them se revolucioni me ngjyra ka marrë fund. Ata mund të ecin sa të duan, por asgjë e mirë nuk do të dalë prej kësaj”, tha Vuçiç.
Ai kritikoi televizionin shtetëror RTS ku e përshkruan atë si pjesëmarrës kyç në revolucionin me ngjyra.
