Një 59-vjeçare me origjinë shqiptare ka ndërruar jetë ditën e djeshme në një hotel në zonën e Oias .
Sipas medias greke, shqiptarja ka qenë duke punuar në akomodim, ku një krevat ishte fiksuar ose i varur nga muri, është shkëputur dhe i ka rënë me forcë në kokë, me pasojë thyerjen e qafës.
Menjëherë kanë mbërritur shërbimet e urgjencës mjekësore por shqiptarja nuk mundi që të shpëtojë.
Autoritetet kanë arrestuar pronarin e hotelit, të cilit i kërkohet të japë shpjegime për kushtet e sigurisë së ambienteve. Ndërkohë po vijojnë hetimet për zbardhjen e shkaqeve të aksidentit.
