Ditën e sotme një 48-vjeçar është arrestuar në Pikën Kalimit Kufitar të Qafë Morinës. 48-vjeçari me iniciale A.H,., ishte shpallur në kërkim për veprimtari kriminale në fushën e narkotikëve dhe armëmbajtjes pa leje.
Gjykata e Beratit i kishte caktuar atij masën e sigurisë “arrest në burg”. Hetimet ndaj tij nisën në maj 2024, kur gjatë një kontrolli në banesën e tij në Tiranë, u gjetën një sasi kokaine dhe municion luftarak.
Ndërsa veprimet e mëtejshme procedurale ndaj të arrestuarit po kryhen nga Drejtoria Vendore e Policisë Tiranë.
