Kreu i Partisë Demokratike Sali Berisha gjatë takimit me qytetarët në Kamëz ka akuzuar Edi Ramën.
Berisha tha se Rama ka legalizuar sarajet e Surreli në kundërshtim me ligjin. Gjithashtu u shpreh se mijëra qytetarë nuk legalizojnë dot banesat e tyre.
“Merrni Edi Ramën, sa ka prej jush pa u legalizuar. A e dini ju se ka ndërtuar shtëpinë në tokë të ndaluar, në kundërshtim me ligjin?
Ka legalizuar shtëpinë e tij në kundërshtim me ligjin. A e dini ju se në qoftë ti ke ndërtuar shtëpinë duke të shkuar djersa çurg, duke punuar me duart e tua, zotëria e tij ka ndërtuar sarajet dyfishin e themeleve në gjatësi në krahasim me vilën e Enver Hoxhës. Por në dallim, Enver Hoxha, diktatori më gjakësor, vilën nuk e regjistroi as në emër të tij, as të fëmijëve të tij. Kurse ky e ka në emër të vet. Enver Hoxha e kishte oborrin 2 mijë metra, 8300 metra e ka sulltani i Surrelit.”, tha Rama.
