Kryeministri Edi Rama ka zhvilluar një takim me gratë dhe vajzat në Korçë dhe gjatë fjalës së tij u ndal edhe te mbyllja e TikTok. Rama tha se kjo u arrit falë mbështetjes absolute të grave. Kryeministri theksoi se në Partinë Demokratike 95% janë drejtuese gra dhe vajza. Ai nënvizoi se do të bëjnë më shumë për ti promovuar gratë dhe vajzat në shoqëri.
“Nuk e di nëse do e mbyllnim tiktok nëse nuk do kishim mbështetjen absolute të grave. Nëse do ishte vetëm muhabet burrash nuk do kishte kaq mbështetje mbyllja. Besoj se nuk duhet të ndalemi. Kemi bërë një risi tjetër, kemi përcaktuar në statut se organizatat socialiste kemi në 95% drejtuese gra dhe vajza. Duhet të bëjmë më shumë jo thjesht për t’i promovuar por edhe për të shfrytëzuar këtë fuqi kaq të ekuilibruar për të bërë shumë më tepër gratë dhe vajzat në shoqëri.”, tha Rama.