Donald Trump duke folur me gazetarët përpara se të fluturonte për në Romë për funeralin e Papa Françeskut tha se SHBA dhe Rusia janë afër arritjes së një marrëveshjeje.
“Mendoj se në fund do të përfundojmë me shumë marrëveshje të mira… Ne do të përpiqemi të dalim nga luftërat në mënyrë që të mund të shpëtojmë 5000 njerëz në javë., tha Trump.
“Dhe ky është qëllimi im. Unë dua të shpëtoj 5,000 të rinj – ata janë kryesisht ukrainas, rusë – 5,000 burra ukrainas dhe rusë, dhe ky është një nder i madh nëse mund ta bëj. Dhe mendoj se jemi shumë afër.”, shtoi ai.
Ndërsa ditë më parë, Trump ka akuzuar Presidentin e Ukrainës Zelensky se po dëmton bisedimet e paqes duke mos njohur kontrollin rus të Krimesë. Gjithashtu dje i kërkoi Putinit të “NDALË!” dhe “të arrijë një marrëveshje” .
