Policia greke ka arrestuar një 34-vjeçar shqiptar pasi u kap me një sasi të madhe droge.
Gjatë kontrollit në makinë dhe në banesën e shqiptarit në Hania, policia ka gjetur një depo poshtë timonit me një qese me kokainë.
Gjithashtu janë sekuestruar edhe 2 kilogramë e 465 gramë kokainë, e ndarë në 197 pako të improvizuara, 1 peshore precize, 3.000 euro të ardhura nga trafiku i drogës, 1 celular si mjet për lehtësimin e komunikimit në tregtimin e drogës dhe 3 media dixhitale për ruajtjen e të dhënave (USB sticks).
Në cilësinë e provës materiale përveç këtyre janë sekuestraur edhe një automjet privat si mjet transporti droge. Ndërsa hetimet paraprake po kryhen nga Departamenti i Narkotikëve pranë nëndrejtorisë së Prokurorisë dhe Hetimit të Krimeve Hania.
