Kryeministri Edi Rama gjatë takimit me qytetarët në Kukës u ndal tek anëtarësimi në Bashkimin Evropian. Rama ironizoi opozitën duke thënë që do ishte gjëja madhështore tek ata janë mustaqet e Kujtim Gjuzit. Kryeministri theksoi se 2027 është afati për të mbyllur negociata me Bashkimin Evropian.
“Do ishte fatale që për mustaqet e Kujtim Gjuzit të humbasim trenin e historisë. Gjëja e vetme madhështore në atë kënetë, janë mustaqet e Kujtim Gjuzit. 2027 është një afat. Historia e BE ka treguar se BE është një shtëpi të pasurish. Ajo derë nuk rri hapur. Ajo derë hapet kur të gjithë ato që janë brenda bien dakord të hapet dera.
Dhe e hapin vetëm kur kanë interes. Sot ka ndodhur ajo për të cilën luftoj. Nuk është interesi jonë të hyjmë atje, por është dhe interesi i tyre që të na marrin. Por ajo derë mund të mbyllet. Këtu vijmë në parlament, del bufi, shfaqet zhapiku. Janë dhe disa insekte të reja që kanë dalë në fushë. Nuk mund ti themi Europës na kanë dalë ca probleme me insektet në shtëpi. Për këtë na duhet fuqia e shtuar.”, tha Rama.
