Kreu i Partisë Demokratike, Sali Berisha gjatë takimit me qytetarët në Berat ka komentuar edhe deklaratën e kryeministrit Rama.
Kryeministri në një intervistë i është përgjigjur gazetarit për 130 milionë eurot e djegësit të Tiranës duke i thënë “u djegsh në incenerator”.
“Çfarë i thoshte mbrëmë Edi Rama gazetarit?
Kur gazetari e pyeste; ‘po ai inceneratori 130 milionë euro nuk ekziston dhe paratë janë zhdukur”’ I thoshte gazetarit u djegsh në incinerator. Kush të digjet? Gazetari që bëhet avokati juaj dhe i shtron një pyetje, apo ai që ka vjedhur taksat tuaja. Urdhëroni çfarë përgjigje jep.
Çfarë kuraje ka, tha u djegshi në incinerator. Sikur incenerator ishte një gjë, jo 130 milionë euro. 812 mijë pensione. O miq, 812 mijë pensione janë 130 milionë euro. Apo tjetra, për të larë prapanicën e makinës 10 mijë euro në muaj. Fëmijët tanë vdesin për ilaçe.”, tha Berisha.
