PSG-Inter është finalja e madhe e Champions League. Paris Saint-Germain eliminoi Arsenalin me rezultat të përgjithshëm 3-1, pas fitores 2-1 në ndeshjen e kthimit të zhvilluar në Paris.
Fabian Ruiz zhbllokoi rezultatin në minutën e 28-të me një goditje të saktë nga distanca.
Në pjesën e dytë, Vitinha humbi një penallti në minutën e 69-të, por PSG dyfishoi shifrat vetëm dy minuta më pas me golin e Achraf Hakimit.
Arsenali reagoi me një gol nga Bukayo Saka në minutën e 76-të, por nuk ndikoi në fatin e kualifikimit. Inter-PSG do të luhet më 31 Maj, në stadiumin “Allianz Arena” në Mynih.
