Ushtria izraelite ka lëshuar një paralajmërim për evakuimin e tre porteve strategjike në Jemen Ras Isa, Hodeida dhe Salif duke i cilësuar ato si pika operacionale të rebelëve Houthi, të cilët mbështeten nga Irani.
Paralajmërimi vjen vetëm tre ditë pas një vale bombardimesh izraelite mbi këto porte dhe pak orë pasi një raketë e lëshuar nga Jemeni u neutralizua nga mbrojtja ajrore izraelite. Ngjarja shkaktoi alarm për sulm ajror në disa rajone të Izraelit, duke rritur tensionet në rajon.
Sipas autoriteteve ushtarake, këto masa mbrojtëse janë pjesë e përpjekjeve për të parandaluar sulmet e mëtejshme nga Houthit, të cilët vazhdojnë të godasin objektiva të ndryshme në rajon përmes raketave dhe dronëve.
