Një sulm i armatosur ka ndodhur gjatë një festivali të organizuar nga Kisha Katolike në fshatin San Bartolo de Berrios, në shtetin Guanajuato të Meksikës. Si pasojë kanë mbetur shtatë të vrarë.
Sulmuesit hapën zjarr duke qëlluar në mënyrë të rastësishme mbi një grup personash që kishin mbetur pas ngjarjes. Dy nga viktimat ishin nën 18 vjeç.
Autoritetet nuk kanë dhënë ende një motiv të qartë për sulmin, por mesazhet kërcënuese të lëna në zona të afërta sugjerojnë përfshirjen e kartelit Santa Rosa de Lima.
