Shtetet e Bashkuara të Amerikës ndaluan dhënien e vizave për zyrtarët e huaj që censurojnë amerikanët në rrjetet sociale.
Lajmi u bë i ditur nga Sekretari i Shtetit, Marco Rubio i cili tha se çdo përpjekje për të kontrolluar ose ndikuar në lirinë e qytetarëve do të ketë pasoja diplomatike.
Rubio theksoi se është e papranueshme që zyrtarë të huaj të kërkojnë nga kompanitë teknologjike amerikane zbatimin e rregullave të censurës, të lëshojnë urdhër-arreste apo të kërcënojnë individë për përmbajtje të publikuar në tokën amerikane.
“Liria e shprehjes është thelbësore për mënyrën amerikane të jetesës. Është një e drejtë e lindur, për të cilën qeveritë e huaja nuk kanë juridiksion,” u shpreh Rubio.
