Një ngjarje e rëndë është shënuar mëngjesin e sotëm në segmentin rrugor “Mbikalimi i Patokut – Laç”, ku një 59-vjeçar humbi jetën si pasojë e një aksidenti rrugor. Burimet bëjnë me dije se një automjet ende i paidentifikuar ka përplasur këmbësorin ndërsa ai po ecte përgjatë rrugës.
I plagosuri u dërgua me urgjencë drejt spitalit të Kurbinit, por nuk arriti t’i mbijetojë plagëve dhe ndërroi jetë gjatë transportit. Ndërkohë, drejtuesi i mjetit është larguar nga vendi i ngjarjes pa ndaluar për të dhënë ndihmë apo për të raportuar rastin.
