Forca e Sigurisë së Kosovës (FSK), Mandati i Misionit të Bashkimit Evropian për Sundim të Ligjit në Kosovë (EULEX), Misioni i NATO-s në Kosovë, KFOR-i dhe Policia e Kosovës janë duke realizuar operacionin “Menaxhimi i krizave”.
Në këtë operacion për herë të parë po merr pjesë edhe FSK, si dhe janë përfshirë edhe personel prej 600 pjesëtarësh. KFOR shprehet që ky ushtrim do të rrisë aftësitë e subjekteve të ndryshme.
“Për herë të parë, Forca e Sigurisë së Kosovës do të marrë pjesë po ashtu në këtë ushtrim, në përputhje me mandatin e saj origjinal të mbrojtjes civile, nëpërmjet aktiviteteve trajnuese mbi trajtimin dhe asgjësimin e sigurt të municioneve shpërthyese dhe materialeve të rrezikshme”, thuhet në komunikatën e lëshuar nga KFOR-i.
