Të shtëna me armë zjarri janë regjistruar mbrëmjen e sotme në Kurbin, ku dyshohet se është qëlluar drejt një automjeti.
Fatmirësisht, nuk ka persona të lënduar. Policia ka identifikuar autorët e dyshuar dhe po punon për zbardhjen e ngjarjes.
Reagimi i policisë:
Rreth orës 18:55, në afërsi të hyrjes së qytetit të Laçit, në rrethana ende të paqarta, është qëlluar me armë zjarri në drejtim të automjetit me të cilin lëvizte shtetasi M. N.
Nga të shtënat nuk ka shtetas të dëmtuar.
Nga veprimet e shpejta janë identifikuar autorët e dyshuar: shtetasi P. Gj. dhe dy djemtë e tij, shtetasit H. Gj. dhe P. Gj. (njëri prej tyre dyshohet se ka qëlluar me armë zjarri në drejtim të automjetit), ndërsa vijojnë kontrollet për kapjen e tyre.
Grupi hetimor ndodhet në vendngjarje dhe po punon për sqarimin e rrethanave të rastit dhe dokumentimin e plotë të rastit.
