Sekretari i përgjithshëm i OKB-së, António Guterres ka bërë thirrje për një hetim të pavarur mbi vrasjen e palestinezëve pranë një qendre shpërndarjeje ndihmash në Gaza të dielën.
Guterres, tha në një deklaratë të hënën: “Jam i tmerruar nga raportet për palestinezët e vrarë dhe të plagosur ndërsa kërkonin ndihmë në Gaza dje”.
“Unë bëj thirrje për një hetim të menjëhershëm dhe të pavarur për këto ngjarje dhe që autorët të mbahen përgjegjës.”, shtoi ai.
Ndërsa Ministria e Jashtme e Izraelit u përgjigj duke i quajtur komentet e tij një “turp” në një postim në X dhe e kritikoi atë që nuk e përmendi Hamasin.
