Shqipëria do të vijojë të ndikohet nga masa ajrore me origjinë afrikane, duke sjellë mot të kthjellët dhe temperatura të larta në pjesën më të madhe të territorit. Qarqet Elbasan, Berat dhe Fier pritet të shënojnë vlerat më të larta termike.
Në pjesën e dytë të ditës parashikohen vranësira të herëpashershme në zonat malore verilindore dhe juglindore, të cilat në disa zona të caktuara të Juglindjes mund të sjellin rrebeshe të izoluara shiu.
Temperaturat do të mbeten të qëndrueshme në orët e para të mëngjesit, ndërsa në mesditë do të vijojnë të rriten, duke luhatur vlerat ditore nga 9°C deri në 36°C.
Era do të jetë e lehtë deri mesatare, me shpejtësi deri në 28 km/h nga drejtimi jugperëndimor, duke sjellë dallgëzim të papërfillshëm në brigjet detare.
