Jemi vetëm 24 orë larg ndeshjes Shqipëri-Serbi. Trajneri i Serbisë, Dragan Stojkoviç dhe kapiteni i ekipit Aleksandër Mitroviç u shfaqën të buzëqeshur përpara gazetarëve në konferencën e parë për shtyp në Tiranë, në vigjilje të ndeshjes me Shqipërinë më pas zbritën për të bërë nxemjen.
Stojkoviç u shpreh se kombëtarja serbe do të duhet të luajë një ndeshje perfekte ditën e nesërme për të dalë me tre pikë të plota nga kryeqyteti shqiptar.
“Kemi provuar shumë skema në stërvitje. Jam i kënaqur me lojtarët. Do të presim dhe stërvitjen pasi të vendosim për formacionin. Formacioni do të jetë ai që kam unë në kokë.
Cdo ndeshje ka diferencat e saj. I kemi analizuar të gjitha gjërat është në Shqipëri. Ne duhet të jemi mirë që ta mundim Shqipërinë nesër. Nuk mund të fitojmë nëse nuk jemi mirë”, tha tekniku serb.
