Rusia ka sulmuar Ukrainën me 479 dronë, me një numër rekord. Ukraina ka pretenduar se ka kryer një sulm ndaj një fabrike ruse, qindra kilometra në lindje të Moskës. Rusia ka përshkallëzuar sulmet e saj në mbarë Ukrainën në javët e fundit.
Të hënën Moska tha se ka vazhduar sulmet hakmarrëse pas sulmit ukrainas ndaj avionëve bombardues rusë, që gjendeshin në baza ajrore thellë brenda Rusisë, përfshirë në Siberi.
“Sulmet ajrore të armikut janë regjistruar në dhjetë vende”, thanë Forcat Ajrore të Ukrainës.
Ministria ruse e Mbrojtjes tha se “Ky është një nga sulmet hakmarrëse për sulmet terroriste të regjimit të Kievit të kryera ndaj bazave ajrore ruse.”
