Sekretari i Përgjithshëm, Mark Rutte ka deklaruar se anëtarët e NATO-s duhet të rrisin mbrojtjen e tyre ajrore dhe raketore me 400% për t’iu kundërvënë kërcënimit nga Rusia. Në samitin e NATO-s me 24-25 qershor në Hagë do të diskutohet për këtë.
“Po e shohim në Ukrainë se si Rusia përhap terror nga lart. Ndaj ne do të fuqizojmë mbrojtjen e qiejve tanë. Na duhen më tepër forca dhe kapacitete për të vënë në zbatim plotësisht planin tonë të mbrojtjes. Rreziku nuk do të zhduket edhe nëse lufta në Ukrainë merr fund”, tha Mark Rutte.
Ndërsa zëdhënësi i Kremlinit, Dmitry Peskov tha në një reagim se plani i NATO-s për një përmirësim masiv të mbrojtjes ajrore dhe raketore ishte një shenjë agresioni dhe do tu kushtonte para taksapaguesve evropianë.
