Të vdekur dhe dhjetëra të plagosur në shkëmbimin e sulmeve midis Izraelit dhe Iranit
Izraeli nisi sulme ajrore në të gjithë Iranin me Teheranin që iu përgjigj vonë mbrëmë dhe herët sot.
Ambasadori i Iranit në OKB, Amir Saeed Iravani, tha se 78 persona u vranë dhe më shumë se 320 u plagosën.
Midis të vdekurve ishin tre nga udhëheqësit më të lartë ushtarakë të Iranit:
Gjenerali Mohammad Bagheri, i cili mbikëqyrte të gjitha forcat e armatosura;
Gjenerali Hossein Salami, i cili drejtoi Gardën Revolucionare paraushtarake;
dhe Gjenerali Amir Ali Hajizadeh, kreu i programit të raketave balistike.
Iravani tha se shumica e të plagosurve ishin civilë. Shërbimi i ambulancës së Izraelit tha se 34 persona u plagosën në Tel Aviv të premten në mbrëmje, shumica me lëndime të lehta.
Policia më vonë tha se një person kishte vdekur.
Orë më vonë, një raketë iraniane thuhet se goditi shtëpitë në qytetin qendror izraelit të Rishon Lezion, duke vrarë dy persona dhe duke plagosur 19 të tjerë.
Të gjitha këto shifra bazohen në te dhena qe nuk janë verifikuar në mënyrë të pavarur.
