Presidenti francez, Emmanuel Macron i ka bërë thirrje Izraelit të shmangë goditjet në Iran, me qëllim për të mos përshkallëzuar tensionet që kërcënojnë sigurinë energjetike të Europës.
Macron ka shprehur shqetësime se sulmet izraelite “po synojnë gjithnjë e më shumë vende që nuk lidhen me programet bërthamore dhe balistike të Iranit”, duke çuar në “një numër në rritje të viktimave civile”.
Ai i kërkoi ministrit të tij të Jashtëm të bashkëpunojë me vendet e tjera evropiane për të negociuar një zgjidhje për t’i dhënë fund konfliktit, raporton Associated Press.
