Policia e Tiranës ka arrestuar 23-vjeçarin e shpallur në kërkim nga megaoperacioni “Blloku 33”. 23-vjeçari Arimers Hyziu ishte shpallur në kërkim pasi Gjykata e Tiranës i ka caktuar masën e sigurisë “Arrest në burg”, për veprën penale ”Prodhimi dhe shitja e narkotikëve”.
Gjatë këtij operacioni janë sekuestruar 1 kg e 964 gramë Kokainë, 450 gramë Heroinë, 2 armë zjarri pistoleta, 29 celularë, 6 automjete, 4 peshore elektronike dhe shuma të konsiderueshme parash.
Ndërsa gjatë periudhës hetimore janë sekuestruar 85 kg lëndë e dyshuar narkotike Cannabis Sativa.
Ndërkohë po vijon operacioni “Blloku 33” dhe po punohet për arrestimin e personave të tjerë të shpallur në kërkim. Ndërsa materialet i kaluan Prokurorisë së Tiranës për veprime të mëtejshme.
