Kuvendi i Shqipërisë do të mbajë seancën plenare këtë të enjte në orën 10:00, ku në rendin e ditës janë parashikuar diskutime mbi disa projektligje të rëndësishme.
Në fokus do të jenë projektligji për “Përpunimin e informacionit të udhëtimit në Republikën e Shqipërisë”, i propozuar nga Ministria e Brendshme dhe miratuar nga qeveria, si dhe projektligji për ratifikimin e marrëveshjes së huas ndërmjet Shqipërisë dhe Bankës Europiane për Rindërtim dhe Zhvillim (BERZH).
Gjithashtu, në seancë do të trajtohen ndryshimet që lidhen me strukturën dhe klasifikimin e pagave të personelit pranë Komisionit Qendror të Zgjedhjeve (KQZ).
