Gjykata e Lartë në Londër ka vendosur që të mos ekstradojë 52-vjeçarin shqiptar Ilirian Zeqajn. Shqiptari akuzohet për një vrasje të dyfishtë në Shqipëri rreth 30 vite më parë.
52-vjeçari ka jetuar në Mbretërinë e bashkuar me një identitet të rremë që nga viti 1999 dhe akuzohet në Shqipëri për vrasjen e dy burrave në fund të viteve 1990.
Në vitin 2013 ai u ekstradua në Shqipëri por në apel u shpall i pafajshëm dhe u kthye në Britani në 2014.
Më pas në 2017 një një gjykatë shqiptare anuloi pafajësinë e tij dhe urdhëroi një rigjykim, pa praninë e Zeqajt apo avokatit të tij. Pas kësaj, autoritetet shqiptare kërkuan ekstradimin për herë të dytë, por u bllokua përfundimisht me Gjykatën e Lartë që konstaton se procesi ndaj tij në Shqipëri është në kundërshtim të hapur me standardet ndërkombëtare të drejtësisë.
