Një 34-vjeçar shqiptar u arrestua në lagjen Navile në Itali. Gjatë ndalimit në makinën Audi A4 Avant, shqiptari tregoi nervozizëm dhe deklaroi se ishte me nxitim.
Kështu policët e kontrolluan dhe nën sendiljen e pasme të pasagjerit u gjet një paketë me lëndë narkotike. Sasia totale e drogës ishte rreth 1 kilogram dhe shqiptari u arrestua me akuzën e mbajtjes së lëndëve narkotike me qëllim shitjeje.
Me urdhër të Prokurorisë së Bolonjës, ai u dërgua në burg dhe mbetet nën përgjegjësinë e autoriteteve, duke pritur zhvillimet e mëtejshme të hetimeve.
