Kryeministri Edi Rama reagoi në rrjetin social X duke kërkuar çlirimin e menjëhershëm të trotuareve të zaptuara nga bizneset në zonën bregdetare të Lungomares në Vlorë. Ai theksoi se trotuari është për njerëzit dhe jo për “barrikada” të bizneseve.
Rama e përshkroi Lungomaren si një model modern qyteti bregdetar dhe bëri thirrje që pronarët e bizneseve të heqin vetë pengesat dhe të bashkëpunojnë me Bashkinë dhe Agjencinë e Zhvillimit të Territorit për dizajnin e ri të hapësirave.
Qëllimi është përmirësimi i funksionalitetit dhe pamjes estetike të vijës turistike, në përputhje me standardet e “Shqipërisë Turistike”.
