Kreu i Partisë Demokratike Sali Berisha u paraqit sot në Prokurorinë e Posaçme (SPAK), në zbatim të masës së sigurisë “detyrim paraqitje”.
Pas daljes nga ambientet e SPAK, ish-kryeministri deklaroi për mediat se kishte lënë një shënim për oficerin e policisë gjyqësore Altin Troplini, duke e akuzuar atë për mbrojtje të “karteleve të drogës, krimeve zgjedhore dhe krimeve mjedisore”.
“Altin Troplini, me mbrojtjen që u bën karteleve të drogës në Shqipëri, krimeve zgjedhore dhe krimeve të rënda mjedisore, dëshmon se pas Ramaduros është delinkuenti numër 2 për kriminalitetin në Shqipëri,” tha Berisha.
