Kryeministri Edi Rama ka njoftuar përmes një postimi në rrjetet sociale se kanë përfunduar punimet për kalldrëmet dhe rrugën lidhëse në zonën e “7 Krojeve” në Gjirokastër.
Ai e cilësoi këtë investim si një hap drejt zbulimit të bukurive të fshehura të qytetit të gurit dhe krijimit të një poli të ri turistik.
“Një shteg i ri në zbulimin e bukurive të fshehura të qytetit të gurit,” shkroi Rama, duke i uruar qytetarëve një javë të mbarë.
Ky projekt pritet të ndihmojë në rritjen e vizitueshmërisë dhe zhvillimin e mëtejshëm të turizmit në zonën historike të Gjirokastrës.
