Presidenti i SHBA-së, Donald Trump, ka reaguar ashpër ndaj Elon Musk, pas njoftimit të këtij të fundit për krijimin e një partie të re politike – “Partia Amerikane”.
Trump e quajti idenë “të qesharake” dhe tha se një parti e tretë “vetëm sa shton konfuzionin” në sistemin dypartiak amerikan.
Musk, i cili më parë kishte bashkëpunuar ngushtë me Trump, ka deklaruar se partia e re do të fokusohet fillimisht në zgjedhjet për Kongresin. Ai e akuzon sistemin aktual si një “Uniparty” që nuk përfaqëson qytetarët.
Trump u shpreh i zhgënjyer:
“Jam i trishtuar që e shoh Elon Musk të dalë plotësisht nga binarët.”
